الوطن امرأة

اللي فاكر أنو جاهد
واللي فاكرأنو حارب
والمسافر واللي هارب

واللي عايز يهاجر

أيه !! ملكمش وطن!

وطن يعني
حضن أمك مهما كبرت
وطبطبة أختك وأنت زعلان
وضحكة عيون خطيبتك لما تجبلها ورد

غير كده أنا غريب

غريب من غيرك .. حيران .. بردان

فرقت مابينا أيام وأحلام وكلام الجران

ولسه فاكر عنيكي وأنا في غربتي وفي طريقي إليكي

خليت صورتك فوق قلبي عشان أبات دفيان

لتكوني فكراني مش راجع!!

أنا راجع ومش ناسي حلاوة زمان

الأيام الحلوه جوايا وحنعشها زي زمان

بكره البعيد يبقى قريب
والغريب يبقى حبيب

أنا بجد أشتقتلك
يامية كتاب قريتهم بين شفايفك
ياحلم معايا علم فيا وأنا كده كده عايشك

خليني أشوفك تاني
كلميني و أكلمك
نفسي أسمع رنتك.. همستك

ومن تاني بقلك لتنسي
أنتي وطني وفراقك غربتي
عنيكي هيا علمي
وكلامك في دمي
وخدودك حدودي

هواكي سور حصين
حاميني من يوم حطين

فخلى سلاحي صاحي
لاتهجريني ولا أهجرك

أخر الكلام شد الزمام
وأنا مش أسير
أنا في حبك هُمَام‏